Ons ontwikkel jong talent met ’n diep toewyding aan mentorskap. Van die eerste dag af belê ons in jou—nie net in jou stem nie, maar in jou rol as rentmeester van jou talent. Ons lei jou om die krag en invloed van jou platforms te verstaan (veral in die era van sosiale media), en vorm jou om met integriteit en verantwoordelikheid die kunste te betree. Gegrond op ’n Christelike grondslag, glo ons dat jou talent ander moet inspireer en op hef.

Vir 26 jaar vorm Studio Cha die stemme en loopbane van jong sangers. Ons ervaring is nie net lank nie - dit is betroubaar. Ons is vele kere aangewys as die “Beste Privaat Vokale Opleidingsstudio” deur verskeie kunsplatforms soos Die Nasionale Eisteddfod Akademie, Pretoria Eisteddfod, Oos-Rand Kunstefees, Legends of the Arts, PACISA en die Centurion Kunstefees. Oor die jare het Studio Cha ook vele jong sangers voorberei vir hulle deelname aan die Wêreldkampioenskappe vir Uitvoerende Kunste in Amerika.

Studio Cha bou ’n netwerk van doelbewuste industrie verhoudings wat jong, opkomende talent ondersteun. In die verlede het ons saam met Select Platemaatskappy gewerk om MuzikKids te skep — ’n geleentheid vir jong sangers om bekende kommersiële pop liedjies met skoon lirieke te sing. In samewerking met Pretoria FM, word ons jong kunstenaars uitgenooi vir radio onderhoude wat vir hulle praktiese industrie ervaring gee. Ons is ook trots om te kan sê dat twee van ons kunstenaars tans platekontrakte by Universal Musiek het - Anzelle en Demarie - twee talentvolle sangers wat hulle loopbane in die Afrikaanse musiekbedryf bevorder. Stewig gebou rondom Studio Cha, is StarTrax en ProTrax – twee ervare en erkende handelsname wat aktief saam met ons werk om meer geleenthede vir jong sangers te skep.

Wanneer jy by Studio Cha registreer, ontwikkel jy nie net jou stem nie - jy word deel van ’n ondersteunende ekosisteem wat aktief na geleenthede vir jou soek. Ons is doelbewus opsoek na geleenthede vir ons jongelinge en wil hulle graag op verskillende platforms sien. Jou sukses is ons missie, en ons is daartoe verbind om elke student te help floreer.

Studio Cha werk vanuit ‘n professionele studio omgewing. Ons Arcadia- en Zwavelpoort-werksruimtes is geleë langs erkende musiekproduksie- en opnamesestudios soos ProTrax en StarTrax. Ons vorm deel van ‘n groter musiekproduksie raamwerk wat ‘n professionele atmosfeer skep vir unieke geleenthede vir samewerking en insette in die ontwikkeling van ons jong sangers.